Rinat Sport 獨家呈獻 - 接地面球教學
接地面球 (地波) 係龍門其中一個極為重要嘅基本技術，亦都係基本功較易學難精嘅技術。唔少低級錯誤都係出現於地面球，無論業餘守門員定係職業門將都有機會出現錯誤。呢條教學片段用一個較淺白方式教授接地面球。
而接地波除手嘅動作之外，下半身嘅動作極為重要，因為不幸甩手，仲有腳動作將球擋停。而呢個動作叫 "K-Shape" (俗稱K腳）。除左用於接地波，接半腰波或單刀出迎都有機會應用。
K-Shape
視乎來球方向將重心腳踏出，並且膝蓋微曲，腳尖指向角度為向外，令接波時膝蓋不會阻礙手臂活動。而非重心腳向內屈曲，置於重心腳旁。影片指出非重心腳不應放於地上，原因係如球改變方向，未能於短時間內作出反應。而有關非重心腳是否應該放於地至今仍然有所爭論。因為如果大腿肌肉不足，對動作穩定性影響較大，亦更易失平衡。如大腿力量不足，亦可將非重心腳放於地上，令平衡更為容易。
上半身及手部動作
上半身向前壓，令手臂有足夠長度接觸皮球。手臂微曲並平衡向中間，而手掌放於地上，手指斜斜指向地下，形成一個斜台。當手掌觸球時，先屈曲手掌，最後將手臂屈曲抱於胸前，當足球完全停頓，上半身可還原動作。
要更容易掌控動作，一定要不停練習，上半身及下半身動作要一致。而且上半身必須向著來球方向。會令接球成功率大大提高。
接地面球雖然簡單，但亦都係較易出現錯誤嘅動作。所以無論你新手定老手，都要不斷重複練習。
Search